Monday 21 September 2009

ප්‍රින්සිපල් ඩ්‍රයිවින් ස්කෝඩා - Principal Driving Skoda


මේ කතාව දන්න කෙනෙක් හිටියොත් මගේ ගම් පලාත තරමක් හෙලි වෙන්නත් ඉඩ තියෙනවා.

අපේ පැත්තෙ තිබුන ලොකු ඉස්කෝලයක්. මාත් කාලයක් ගියා ඒ ඉස්කෝලෙ ට. මං අස්වෙලා වෙන ඉස්කෝලෙකට ගියාට පස්සෙ වෙච්ච කතාවක් මේක.

ඔය කාලෙ මගෙ පරණ ඉස්කෝලෙට අළුත් ප්‍රින්සිපල් කෙනෙක් ඇවිල්ලයි හිටියෙ. පොර එක විදියක මනුස්සයෙක් කියලයි ආරංචි වුනේ. මිනිහට තිබුනෙත් ස්කෝඩා (Skoda) කියන වැඩියෙ අහල දැකල හුරු පුරුදු නැති ජාතියක කාරෙකක්.

ස්කෝඩා කාර් ගැන අහල නැති අයගෙ ප්‍රයෝජනය පිණිස කියනවා නම් මේව රුසියාවෙ හදන කාර් ජාතියක්. ලඟදි නම් මං ඇඩ්වටීස්මන්ට් එකක දැක්ක නියම බුලට් වගේ ස්කෝඩා කාර් තියෙනව. ඒ දවස් වල ලංකාවෙ තිබුණු මොඩල් එක නං ටිකක් හැච් බැක් වගෙ එකක්. ඒවත්, ඒජන්ට් කෙනෙක් හරහා ගෙන්නපු ඒව නෙමේ. එක එක්කෙනා ගෙනාපු ඒව මගෙ හිතේ.

අළුත් ප්‍රින්සිපල් ගෙ වැඩ ඉස්කෝලෙ කොල්ලන් ට ඇල්ලුවෙ නැහැල්ලු. කොල්ලො කීප දෙනෙකුට තරමක දැඩි දඬුවම් දුන්න කියලත් අපට ආරංචි වුනා ද කොහෙද.

ප්‍රින්සිපල් ල ඉන්නවැයි කොල්ලන් ට යටත් වෙලා බයේ. ඌත් කිසි බුරුලක් පෙන්නුවෙ නෑ. අන්තිමේදි මේක මහා ස්ට්‍රයික් එකක් දක්වා ගියා.

ඉස්කෝලවල් වල ළමයින් ගෙ ඉස්ට්‍රයික් කියන්නෙ කිසිම සැලැස්මක් නැති ක්‍ෂණික දේවල්. නිසි පරිදි නායකත්වයකුත් නෑනෙ. මතකනේ? ශිෂ්‍ය නායකයො කියල ජාතියක් හිටියට උං ශිෂ්‍යයින් ගෙන් පත්වෙච්ච සැබෑ නායකයො නෙමේ නෙ.

හැබැයි කොල්ලන් ගෙ ස්ට්‍රයික් වැඩේ නැගල ගියයි කියලයි ආරංචි උනේ. සමහර විට අළුත් ප්‍රින්සිපල් ට විරුද්ධ ගුරු මණ්ඩලේ පරණ අයගෙනුත් උල්පන්දම් ලැබෙන්න ඇති.

දැං මේකයි ඉතිං මෙතන ජොලිම කතාව.

දවසක් මං උදේ කෝච්චියෙ ඉස්කෝලෙ යන්න ස්ටේෂන් එක ට ගිය වෙලාවෙ දැක්ක පොඩි පෝස්ටර් වගයක් හගල තියෙනවා.

වෘත්තීමය මට්ටමේ ඒව නොවෙයි. මේ නිකං හාෆ් ෂීට් වල බෝල්පොයින්ට් පෑන් වලින් ලියපුවා.

එකක තිබුනා මෙන්න මෙහෙම.

ප්‍රින්සිපල් ඩ්‍රයිවින් ස්කෝඩා - ළමයි ඩ්‍රයිවින් ප්‍රින්සිපල්

මට මේ කතාව තේරෙන්න සෑහෙන්න වෙලාවක් ගියා.

කාර් එකක් ඩ්‍රයිව් කරනවා කියන්නෙ එලවනවටනෙ! ප්‍රින්සිපල් ඩ්‍රයිවින් ස්කෝඩා කියන්නෙ විදුහල්පති ස්කෝඩා රථය එලවයි කියන එකයි.

ඒ අර්ථ නිරූපනයෙන් ම, ළමයි ඩ්‍රයිවින් ප්‍රින්සිපල් කියන්නෙ ළමයි විදුහල්පති ව එලවති කියන එකයි.

ඉංගිරිසි සහ සිංහල දැනුම කෙසේවෙතත්, කොහොමද අපේ කොල්ලන් ගෙ නිර්මාණශීලීත්වය!

කතන්දර කාරයා (අද සිට මුහුණු පොතේ - FB)

p/s: You can now see me in Facebook. Search for Kathandara and add me, please.

7 comments:

  1. කවුද දන්නෑ ඉංගිරීසි කල සෑර් උන්නැහේ

    ReplyDelete
  2. ඕකත් හරියට Take Care කියපු එකට ටකේ කරේ කියල කිව්ව වගෙ තමා....! :)

    ReplyDelete
  3. ලිෂ්... රෑ‍ට නයිට් එකක් ගහන්න තියෙනවා වගේ නේද?

    ReplyDelete
  4. Skoda cars are made in Czech republic.



    ŠKODA AUTO a.s.

    Václava Klementa 869
    293 60 Mladá Boleslav
    Czech Republic


    http://new.skoda-auto.com/COM/Pages/Home.aspx

    ReplyDelete
  5. I think you mean Lada, not Skoda.

    ReplyDelete
  6. I also think Skoda is Czech. And the parent company is VW.

    ReplyDelete
  7. Search for Kathandara and add me, please./// :D:D:D:D

    ReplyDelete

මා ලියූ කතන්දරයට අදාල නැති කරුණු ඔබේ ප්‍රතිචාරවල ඇතළත් නොකරන මෙන් ඉතා කරුණාවෙන් ඉල්ලා සිටිමි.

අදහස් වාරණයක් නොකෙරේ. කුණුහරුප සහ තුන්වන පාර්ශවයන්ට නින්දා කෙරෙන ප්‍රතිචාර ඉවත් කෙරෙනු ඇත.